burrima.ch

Zersch s'Beschte: Do send mini neuste Fotogalerie. Du chasch alli mini Galerie of de Galerie-Site gseh.

2019-12 Silvester in Wien

2019-07 Südarfika

1 Monet Südafrika

2017-09-02 Hochzits-Party (Photobooth)

Fottis vode Photobooth a eusere Hochzitsparty - ganz unzensiert :-)

2017-09-02 Hochzits-Party (Diashow)

Fottis womer ade Hochzitsparty zeigt händ

2017-08-25/09-02 Hochzit (Alli Fottis)

Alli Fottis vo eusere Hochzit, gmacht vode Soraya Hässler (beelucky.de)

2017-08-25/09-02 Hochzit

Usgwählti Fottis vo eusere Hochzit, gmacht vode Soraya Hässler (beelucky.de)

Danke dass du mini Site bsuechsch. Es esch e grossi Ehr, dech do z'ha, wöll bsonders ede hötige Zit niemert me Zit för ergendwas het. Ond cool, dass du dech för die Schwizerdütsch Version interessiersch, e sälteni Sproch em Netz :-)

Min Name esch Martin Burri on ich läbe em schöne Städtli Rhyfälde. Ich schaffe als Vollzit-Elektroäschiniör. Of dem Job chan ich mini Kreativität met Brötli-brengende Tätigkeite verbende. Er erlaubt mer, Sache z'kreiere wo för mech Senn ergänd und das esch de wechtigsti Atriebsfaktor för mech als es Chend vode Generation Y.

E minere Freizit aber machi lieber au anderi Sache. Näbst körperlechem Training, was ned nor erforderlech esch, sondern au Spass macht, machi au gern chlini privati Programmierprojäkt ond ich liebes, met mim Töff ede Landschaft ome'z'gurke.

Aber wahrschinlech am meischte Zit investieri ed Fotografie. Ich be scho als Chend vode Kamera vo mim Papi fasziniert gsi. Spöter händ mini Eltere mer en kompakti Felmkamera kauft. Zo dere Zit hani ame eifach abdröckt, ohni vell öber Fotografie z'wösse.

Em Joor 2006 esch mis Interässi ernsthaft agstege, woni mer mini ersti digitali Spiegelreflex-Kamera kauft han. Ich be fasziniert gsi vo dene vele Istelmöglechkeite ond wie eifach s'gsi esch zom gueti Fötteli z'mache. Em 2008 beni denn definitiv tüüfer ed Fotografie abgstege, zäme met zwoi Kollege. Mer händ vell glernt öber Liecht ond entfesslets Bletze, Posene, etc.

Höt, weni Zit fende, nehmi no emmer mini Kamera ond gange go föttele, vor allem, wenn mi es "Projäkt" interessiert. Ich liebes, weldi Tier z'föttele ond ich liebes au, met minere Kamera z'reise. Ich cha demet d'Landschaft intensiver erläbe wöll ich mer rechtig Zit nehme, si azluege. Ab ond zue schüssi au Belder vo Mönsche.

Kontakt-Details

Martin Burri
Franke-Weg 11
CH-4310 Rhyfälde
+41 79 763 65 80

info@burrima.ch

Die Site werd regelmässig erneueret, es lohnt sech also, weder mol verbi z'luege :-)

2021-11-01, Martin Burri

Schwizer Wätterbrecht
Do chasch s'aktuelle Wätter gseh ond de Wätterbrecht för d'Schwiz erfahre. Es het zemmli zueverlässigi Prognose (met Agab vode Prognose-Wahrschinlechkeit).

Strobist
Wahrschinli eini vode beste Site zom Thema entfesslets Bletze. De David Hobby, Eigetümer vode Site, erchlärt wiener mehreri Bletz brucht zom s'Beste os sine Fottis use'z'hole. Verpass ned sis Lighting 101 ond Lighting 102 Online-Semninar wo der detaillierti Informatione öber Bletzfotografie lefered. Set neustem gets sogar es Lighting 103

Planet Neil
Die besti Site woni kenne för Uf-de-Kamera Bletz Technike. De Neil van Niekerk erchlärt sehr schön, wiener ei Ufsteckbletz för sini Hochzit-Shootings verwändet. Sini Technike send intuitiv und eifach z'lerne. Ond si send schnell. Sehr bruchbar för guets Liecht während Events womer kei Zit het zom experimentiere. Die Site behandlet au entfesslets Bletze, Studiofotografie, Videoliecht ond anderi Theme.

dpreview.com
Mini Lieblings-Site för Kamera Bewärtige. D'Autore büted sehr detaillierti, guet gmachti ond präzisi technischi Testbrecht.

dxomark.com
E gueti technischi Website öber digitali Kamera Sensore. Met technische Rusch-zo-Signal- und Dynamikumfang-Mässige.

photozone.de
En anderi Site zom Thema Kamera- und Objektiv-Bewärtig. Lueg das a, bevor du en nois Objektiv chaufsch.

Nikon Lenses
E Kollektion vo allne Objektiv wo Nikon je gmacht het. Interessant, falls du es Neus suechsch.

fotoflohmarkt.ch
E guete Ort zom Kamera-Zügs z'chaufe ond z'verchaufe.

Ott + Wyss AG - Occasionen
En andere guete Ort zom Handle met Kamera-Gschmeus.

De Abschnett dörfmer ned zue ernscht neh - er wederspieglet mini Gedanke ond es esch a der, mini Meinig z'Teile oder ned. Ich hoffe, dass du dini eigeni Meinig hesch.

Also, wie chömmer d'Wält verbessere? Onmöglech? - Nei! Es started met eus wöll mer send en Teil vode Wält. Jede no so chline Schrett e die rechtig Rechtig helft.

Ich schlohne vor, folgendi Pönkt z'öberdänke:

• Mer send Mönsche - kei Maschene ond kei Götter. Behandled Mönsche wie Mönsche.
• Respektier die Andere ond dini Umwält - öberlegg der, wie dis Handle beides beiflosst.
• Wennt chasch abstemme ond wähle, denn machs! Dini Stemm beiflosst, wie sech Sache verändered.
• Glaub ned eifach blend, was anderi säged. Informier dech emmer vo mehrere onabhängige Quelle - vertrau ned de Troll!
• Wennt vor öppisem Angst hesch, denn frog die werom? Hesch gnue Informatione dröber ond wie wahrschinlech esches, dasses itrefft?
• Onderstötz Recycling. Was, wenn mer chönnt Fermene dezue brenge, dass si nor wederverwertbari Materiale verwänded wenn emmer möglech?
• Benütz ond onderstütz freii ond offeni Software.